2006-cı ildə Sabirabad rayonunun Mərkəzi Avtomat Telefon Stansiyasının yenidən qurulması üzrə işlərə başlanılacaq. Bu barədə Trend ə Aztelekom İB-dən bildirilib.
Hazırda əvvəlcədən elan olunmuş tender üzrə maraqlı şirkətlərin təkliflərinin öyrənilməsi istiqamətində işlər görülür.
"Tenderin qalibi müəyyən edildikdən sonra imzalanmış müqavilə əsasında işlərə başlanılacaq", - deyə İB-də qeyd ediblər.
Bu dövr ərzində Ağcabədi və Masallıda rabitə elektronlaşdırılıb, həmçinin, İB tərəfindən Naftalan və Goranboy Telekommunikasiya qovşaqlarının elektronlaşdırılması prosesi də başa çatıb.
Bu tədbirlər 2004-2008-ci illərdə regionların sosial-iqtisadi inkişafı və Azərbaycanın informasiya kommunikasiya texnologiyalarının inkişafı üzrə dövlət proqramlarına uyğun olaraq həyata keçirilir.