Azərbaycan, Bakı, 14 aprel /Trend, müxbir T.Cəfərov/
İran tərəfi Azərbaycan ilə İran arasında "Aslandüz-Horadiz" sərhəd-keçid məntəqəsinin açılmasına hazırdır. Trend-in məlumatına görə, bu barədə İranın Azərbaycandakı səfiri Möhsün Pakayin bu gün keçirdiyi mətbuat konfransında deyib.
Səfirin sözlərinə görə, İran tərəfi bu sərhəd-keçid məntəqəsinin açılması üçün icra strukturu da hazırlayıb.
M.Pakayin əlavə edib ki, "Aslandüz-Horadiz" sərhəd-keçid məntəqəsinin açılması hər iki ölkənin xeyrinədir: "Ümid edirik ki, Azərbaycan tərəfi də bu məntəqənin açılması ilə bağlı işlərə başlayacaq".