Azərbaycan, Bakı, 16 aprel / Trend, müxbir E.Əliyev /
Bakı Fond Birjası (BFB) və onun tərəfdaşları listinq məsləhət proqramı çərçivəsində əməkdaşlıq haqqında kollektiv saziş imzalayıblar.
Trend-in məlumatına görə, sazişin imzalanması mərasimi çərşənbə günü Bakıda proqramın təqdimatının yekunları üzrə baş tutub.
Sənəd BFB-nin İdarə Heyətinin sədri Fariz Əzizov, eləcə də "Invest-AZ" şirkətinin direktoru Şəhriyar Qurbanzadə, KPMG beynəlxalq auditor şirkətinin Azərbaycanda icraçı tərəfdaşı Vüqar Əliyev, "Dentons" şirkətinin tərəfdaşı Kamal Mirzəzadə və "Baker & Mckenzie" şirkətinin Azərbaycanda icraçı tərəfdaşı Gündüz Kərimov tərəfindən imzalanıb.
Sazişin imzalanmasında məqsəd listinq məsləhət proqramı çərçivəsində maarifləndirmə xidmətlərinin göstərilməsi üzrə əməkdaşlıq mexanizminin qurulması və ödənişsiz əsasda treninqlərin təşkili olacaq.