Azərbaycan, Bakı, 25 iyul /Trend, müxbir Emil İsmayılov/
2014-cü il iyulun 1-nə olan məlumata görə, Azərbaycan Respublikası Dövlət Neft Fondu (ARDNF) Samur-Abşeron suvarma sisteminin yenidən qurulması layihəsinin reallaşdırılmasına 1,08 milyard manat ayırıb.
Trend-in ARDNF-yə istinadən verdiyi məlumata görə, su elektrik stansiyası ilə birlikdə "Taxtakörpü" su anbarının tikintisinə 523,1 milyon manat ayırılıb.
Taxtakörpü-Ceyranbatan və Vəlvələçay-Taxtakörpü kanallarınım tikintisinə müvafiq olaraq 393,1 milyon manat və 129,4 milyon manat ayrılıb.
Məlumata əsasən, ARDNF 2014-cü ilin I yarısında göstərilən layihələrə 11 milyon manat ayırıb.