Azərbaycan, Bakı, 1 sentyabr /Trend/
Süni adalarda inşa olunan "Khazar Islands" şəhərinin müəllifi Avesta Konserni investisiya sahəsində növbəti əməkdaşlıq memorandumuna imza atıb. Belə ki, Çinin "Hong Mong Financial Group" şirkəti ilə bağlanmış memoranduma əsasən, tərəflər həm investisiya, həm də inşaat sahəsində birgə əməkdaşlığa dair razılığa gəliblər. Bundan başqa, "Hong Mong Financial Group" inşası davam edən şəhərdə ekoloji təmiz və zərərsiz texnologiyalardan istifadə etməklə suyun təmizlənməsi və mineral gübrələrin istehsalını öz üzərinə götürməyi planlaşdırmışdır. Həmçinin elektrik enerjisi istehsalı üçün tikiləcək stansiyanın tikintisi də nəzərdən keçirilmişdir.
