...

Azərbaycanın Qusar rayonunun inkişafı üzrə investisiya layihələrinin qəbulu elan edilib

Biznes və iqtisadiyyat xəbərləri Materials 20 Oktyabr 2014 11:25 (UTC +04:00)
İqtisadiyyat və Sənaye Nazirliyinin Sahibkarlığa Kömək Milli Fondu Qusar rayonunun sahibkarlıq subyektlərindən investisiya layihələrinin qıəbuluna başlayıb. Trend xəbər verir ki, bu barədə fondun bazar ertəsi yaydığı məlumatda deyilir.
Azərbaycanın Qusar rayonunun inkişafı üzrə investisiya layihələrinin qəbulu elan edilib
Azərbaycan, Bakı, 20 oktyabr /Trend/

İqtisadiyyat və Sənaye Nazirliyinin Sahibkarlığa Kömək Milli Fondu Qusar rayonunun sahibkarlıq subyektlərindən investisiya layihələrinin qıəbuluna başlayıb. Trend xəbər verir ki, bu barədə fondun bazar ertəsi yaydığı məlumatda deyilir.

2014-cü il oktyabrın 16-da Qusar rayonunun Samur qəsəbəsində sahibkarlığın güzəştli kreditləşdirilməsi məsələlərinə dair işgüzar forum keçirilib.

İşgüzar forum çərçivəsində sahibkarlarla mövcud iqtisadi potensialdan daha səmərəli istifadə edilməsi məqsədilə müzakirələr aparılmış, Sahibkarlığa Kömək Milli Fondu tərəfindən Qusar rayonu üzrə sahibkarlıq subyektlərindən aşağıdakı istiqamətlərdə investisiya layihələrinin maliyyələşdirilməsi üçün təkliflərin qəbulu məqsədəuyğun hesab edilib:

  • ixtisaslaşdırılmış "yaşıl market"in yaradılması;
  • fermer mağazalarının yaradılması;
  • cır meşə meyvələrinin emalı müəssisəsinin yaradılması;
  • cins heyvandarlıq təsərrüfatlarının yaradılması;
  • üzümçülük və kartofçuluq təsərrüfatlarının yaradılması.

Sahibkarlar bu sahələr üzrə nümunəvi layihələri Sahibkarlığa Kömək Milli Fondundan əldə edə bilərlər. Sahibkarların istəyinə əsasən, kiçik həcmli investisiya layihələrinin dəyərinin 100%-dək hissəsi dövlətin güzəştli kreditləri hesabına maliyyələşdiriləcəkdir. Bu gündən etibarən sahibkarlar investisiya layihələrinin maliyyələşdirilməsi məqsədilə müvəkkil kredit təşkilatları vasitəsilə Fonda müraciət edə bilərlər.

Əlavə məlumat üçün Sahibkarlığa Kömək Milli Fonduna müraciət etmək olar:

Ünvan: Bakı şəhəri, Yasamal rayonu, A.M.Şərifzadə küçəsi, 172

Telefon: (012) 434-74-29

Faks: (012) 432-37-17

e-mail: [email protected]

Sahibkarlığa Kömək Milli Fondu

Məqalədə:
Xəbər lenti

Xəbər lenti