Azərbaycan, Bakı, 22 oktyabr /Trend, müxbir Rufiz Hafizoğlu/
Elektromobil yaradılması Türkiyə üçün prioritetə çevrilir, çünki Türkiyə daxili yanacaqlı mühərrikli avtomobil istehsal edən ölkələrlə rəqabət aparmaq gücündə deyil.
Trend-in "Anadolu" agentliyinə istinadən verdiyi məlumata görə, bunu Türkiyənin elm, sənaye və texnologiya naziri Fikri İşıq deyib.
Onun sözlərinə görə, Türkiyə yaxın illərdə ilk yerli elektromobil istehsal etmək niyyətindədir.
Qeyd edək ki, Türkiyə Avropada avtomobil istehsalı üzrə altıncı yeri tutur. Ölkədə "Ford", FIAT, "Renault", "Toyota", "Honda", "Opel", "Hyundai", "Mercedes Benz" və MAN markalı avtomobillər yığılır.