Azərbaycan, Bakı, 23 iyul /Trend/
Bir neçə rayonun təbii qaz təchizatında məhdudiyyətlər olacaq.
"Azəriqaz" İB-nin İctimaiyyətlə əlaqələr şöbəsindən Trend-ə verilən məlumata görə, qaz nəqli sistemində və qaz şəbəkəsində təmir işlərinin aparılması və qaztənzimləyici qurğunun quraşdırılması ilə əlaqədar bu gün saat 12:00-dək Zaqatala rayonunun bir hissəsinə, saat 13:00-dək Nərimanov rayonunun bir hissəsinə, saat 15:00-dək Balakən rayonuna, saat 17:00-dək Binəqədi və Xətai rayonlarının bir hissəsinə, saat 18:00-dək Quba rayonuna, Sabunçu, Xəzər, Qazax, Şamaxı və Göyçay rayonlarının bir hissəsinə, işlər başa çatanadək isə Yevlax rayonunun bir hissəsinə təbii qazın verilişində fasilələr yaranacaq.