Azərbaycan, Bakı, 18 sentyabr /Trend/
Azərbaycan üçtərəfli "svop-saziş" modeli üzrə Rusiya üçün İran neftinin tədarükünün təşkilində iştirak etmək imkanına baxmağa hazırdır. Trend-in İTAR-TASS-a istinadən verdiyi məlumata görə, bunu Azərbaycanın Rusiyadakı səfiri Polad Bülbüloğlu deyib.
Səfir bildirib: "Bizim elektrik enerjisi sahəsində əlaqələrimiz artıq qurulub. Bu ("svop" neft tədarükü - red.) mümkündür, lakin hələ konkretlik yoxdur".
Qeyd edək ki, Azərbaycan Naxçıvan Muxtar Respublikasının qaza olan tələbatını təmin etmək üçün İrana "svop" qaz tədarükləri həyata keçirir.