Azərbaycan, Bakı, 12 fevral /Trend, müxbir H.Vəliyev/
Azərbaycanın "Azerspace/Africasat-1" peyki fevralın 15-nə öz orbitinə çatacaq. Trend-in məlumatına görə, bu barədə çərşənbə axşamı "Azərkosmos" ASC-nin sədri Rəşad Nəbiyev mətbuat konfransında deyib.
Onun sözlərinə görə, sınaqlara təqribən 20 gün tələb olunur və artıq martın ilk ongünlüyündə peyk ASC-nin idarəçiliyinə təhvil veriləcək.
Nəbiyev bildirib ki, hazırda peykin resurslarının 40 faizindən çoxu icarəyə verilib. Peykin resurslarının reallaşdırılmasından ilk daxilolmalar may ayından başlayacaq.