Azərbaycan, Bakı, 16 sentyabr /Trend, müxbir Hüseyn Vəliyev/
2014-cü ilin IV rübü Azərbaycanda internet xidmətləri tariflərinin növbəti dəfə azalması ilə qeyd edilir. Bunu Trend-ə ölkənin telekommunikasiya bazarındakı mənbə deyib.
Hazırda bu məsələyə Rabitə və Yüksək Texnologiyalar Nazirliyində baxılır.
Mənbə qeyd edib ki, internet xidmətləri üzrə tarif siyasətinə aid məsələ daim nazirliyin diqqətindədir: "Nazirlik son istifadəçilər üçün tariflərin azaldılması üzrə mütəmadi addımlar atır".
Qeyd edək ki, Azərbaycanın internet provayderləri dövlətdən güzəştli tariflər almaq niyyətindədirlər. Hazırda nazirlikdə internet xidmətləri tədarükçülərinin təkliflər paketinə baxılır.