Azərbaycan, Bakı, 27 fevral / Trend , müxbir E.İsmayılov/
ARDNŞ (Azərbaycan Dövlət Neft Şirkəti) Gürcüstanın Qara dəniz sahili vasitəsi ilə öz qazının ixrac layihəsinin texniki iqtisadi əsaslandırmasını hazırlamaq niyyətindədir. Bu barədə şənbə günü ARDNŞ-nin rəhbəri Rövnəq Abdullayev bildirib.
"TİƏ hazırlanması Qara dəniz vasitəsi ilə qaz ixracının daha səmərəli variantını tapmağa bizə icazə verir. Bizim bir neçə variantımız var. Bunlar sırasında LNG ixrac və CNG ixracı da yer alır. Həmçinin Türkiyə ərazisi ilə tranzit imkanlarımız da var. Bu müxtəlif variantlar bizə daha düzgün yolu seçməyə imkan verir", - Abullayev bildirib.
Abdullayevin sözlərinə əsasən, Qara dəniz vasitəsi ilə qaz ixracı layihəsinin həyata keçməsində Rumıniya və Bolqarıstan maraqlıdırlar. Hazırda hər iki tərəflə işlər görülür.
Bu gün Gürcüstanın Qara dəniz sahili boyunca Azərbaycan qazının emalı üzrə terminalın tikintisi və gələcəkdə Avropanın daxili qaz nəqliyyat şəbəkəsinə nəqli üçün onun gəmilər vasitəsi ilə Rumıniya və Bolqarıstana nəqli nəzərdən keçirilir. Layihənin həyata keçirilməsi iki istiqamətdə nəzərdə tututlur - LNG və CNG. Birinci istiqamət - maye qaz üzrə zavodun tikintisi, ikinci isə onun sıxılması üçün gəmilərə göndərilməsidir. Bu layihə çərçivəsində 7-20 milyard kub metr qazdan söhbət gedir.
