Azərbaycan, Bakı, 19 aprel/ Trend, müxbir İ.İzzət/
Aprelin 18-də saat 21:05 radələrində Qaradağ rayonun Qızıldaş qəsəbəsində ölümlə nəticələnən yol qəzası baş verib.
Bakı şəhər Baş Polis İdarəsindən Trend-ə verilən məlumata görə, Bakı şəhər sakinləri - 1962-ci il təvəllüdlü Güloğlan Məmmədovun idarə etdiyi "VAZ-21011" və 1961-ci il təvəllüdlü Fazil Bəkirzadənin idarə etdiyi MAN markalı avtomobilləri toqquşub. Nəticədə G. Məmmədov xəstəxanaya yerləşdirilib.
Onun sərnişini, 1959-cu il təvəllüdlü Mərmər Cəfərova isə aldığı xəsarətlərdən hadisə yerində ölüb.
Faktla bağlı araşdırma aparılır.