Azərbaycan, Bakı, 24 aprel /Trend, müxbir İ.İzzət/
Polislər Bakıda oğurluq etmiş 3 nəfəri tutublar.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, Nəsimi Rayon Polis İdarəsi Cinayət-Axtarış Şöbəsi, Post Patrul Xidməti Bölməsi və 20-ci Polis Bölməsi əməkdaşlarının keçirdikləri əməliyyat tədbirləri nəticəsində cibgirlikdə şübhəli bilinən Bakı şəhər sakini, əvvəllər məhkum olunmuş Nizami Dadaşov tutulub. Tutularkən üzərindən ona məxsus mobil telefon, 83 manat və 1 qramdan artıq tiryək aşkar edilib.
Binəqədi Rayon Polis İdarəsi 4-cü və 7-ci Polis Bölmələri əməkdaşlarının keçirdikləri əməliyyat-axtarış tədbirləri nəticəsində, Cinayət Məcəlləsinin 177-ci (oğurluq) maddəsi ilə axtarışda olan Natiq Bağırov və Kürdəmir rayon sakini Brilyant Mahmudova tutulublar.