Azərbaycan, Bakı, 24 aprel /Trend, müxbir İ.İzzət/
Zaqatala və Saatlıda ölümlə nəticələnən yol-nəqliyyat hadisələri baş verib.
Daxili İşlər Nazirliyinin (DİN) mətbuat xidmətindən Trend-ə verilən məlumata görə, aprelin 23-də saat 6:00 radələrində Zaqatala rayonu Muxax kəndinin ərazisində Balakən şəhər sakini Ramin Həsənov idarə etdiyi "Mercedes" markalı avtomobili yolun kənarındakı ağaca vurub.
R.Həsənovun sərnişinlərindən - Balakən rayon sakini Məhərrəm Mehdili hadisə yerində ölüb, özü və digər sərnişinləri - həmyerliləri Füzuli Xəlilov və Fikrət Ağayev xəstəxanaya yerləşdiriliblər.
Ölümlə nəticələnən digər yol-nəqliyyat hadisəsi Saatlıda baş verib. Aprelin 23-də saat 22:00 radələrində Saatlı rayonu Qıraqlı kəndinin ərazisində rayon sakini Nail Rzayevin idarə etdiyi "Mercedes" və Sabirabad rayon sakini Namiq Xəlilovun idarə etdiyi "MAN" markalı avtomobillər toqquşub.
N.Rzayev xəstəxanaya aparılarkən yolda ölüb.