Azərbaycan, Bakı, 26 iyul /Trend/
Bu gün Yevlax-Zaqatala-Gürcüstan sərhədi magistral yolunun Zaqatala rayonu ərazisindən keçən hissəsində yol qəzası baş verib.
Trend Kanal S-ə istinadən məlumat verir ki, hadisə zamanı hələlik şəxsiyyəti bilinməyən sürücü idarə etdiyi "90-JM-877" dövlət nömrə nişanlı, "Mersedes" markalı yük avtomobili ilə piyadanı vurub. Nəticədə 1965-ci il təvəllüdlü Yuxarı Tala kənd sakini Hacıyev Oktay Məhəmməd oğlu müxtəlif dərəcəli xəsarətlər alıb.
Xəsarət alan şəxs kəllə-beyin travması ilə Zaqatala Mərkəzi Rayon Xəstəxanasına yerləşdirilib.
Qəzanın hələlik hansı səbəblərdən baş verdiyi bilinmir. Faktla əlaqədar Baş Dövlət Yol Polisi İdarəsinin istintaq bölməsi tərəfindən araşdırmalar aparılır.