Azərbaycan, Bakı, 15 sentyabr /Trend/
Şirvanda su kanalında bir nəfər batıb.
Trend Fövqəladə Hallar Nazirliyinin (FHN) rəsmi saytına istinadən məlumat verir ki, Şirvan şəhər ərazisində su kanalında (ən yaxın xilasetmə məntəqəsindən 10 km aralıda) 1998-ci il təvəllüdlü İbadov Bəhruz Hüseyn oğlu çimərkən batıb.
Dərhal Fövqəladə Hallar Nazirliyinin dalğıc-xilasediciləri hadisə yerinə cəlb olunublar. B.İbadovun cəsədi Fövqəladə Hallar Nazirliyinin dalğıc-xilasediciləri tərəfindən batdığı yerdən 100 m aralıda tapılaraq sudan çıxarılıb və aidiyyəti üzrə təhvil verilib.