Azərbaycan, Bakı, 23 sentyabr /Trend, müxbir İlkin İzzət/
Bakıda keçmiş məhkumun üzərində silah-sursat aşkar edilib.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, Xətai Rayon Polis İdarəsi 37-ci Polis Bölməsinin keçirdiyi əməliyyat tədbirləri nəticəsində Çingiz Hacıyev sentyabrın 22-də Xocalı prospektində şübhəli şəxs qismində saxlanılıb.
Saxlanəlan zaman Ç.Hacıyevdən buraxılış ili və nömrəsi silinmiş, sandıqçasında 3 ədəd patron olan Makarov tapançası aşkar edilərək götürülüb.
Qeyd edək ki, Ç.Hacıyev artıq əvvəllər məhkumluq həyatı yaşayıb.
Faktla bağlı istintaq-əməliyyat tədbirləri davam etdirilir.