Azərbaycan, Bakı, 24 oktyabr /Trend, müxbir İlkin İzzət/
Sumqayıt şəhərində keçmiş məhkum qısqanclıqdan yanğın törədib.
Daxili İşlər Nazirliyinin (DİN) mətbuat xidmətindən Trend-ə verilən məlumata görə, oktyabrın 23-də saat 19 radələrində Sumqayıt şəhərinin Stansiya Sumqayıt qəsəbə sakini, əvvəllər məhkum olunmuş İsmayıl Əliverdiyev qısqanclıq zəminində onunla bir evdə yaşayan qeyri-rəsmi nikah münasibətlərində olduğu Mehparə Quliyevaya məxsus vaqonu qəsədən yandırıb. Nəticədə vaqon və oradakı əşyalar yanıb.
Faktla bağlı Sumqayıt Şəhər Polis İdarəsi tərəfindən araşdırma aparılır.