Azərbaycan, Bakı, 29 oktyabr /Trend/
Bakı şəhəri, Qaradağ rayonunda "Honda" markalı minik avtomobili yolayrıcındakı maneəyə çırpılıb.
Trend-in Fövqəladə Hallar Nazirliyinin rəsmi saytına istinadən verdiyi məlumata görə, hadisə nəticəsində avtomobilin sürücüsü 1988-ci il təvəllüdlü İsayev Rövşən Eldar oğlu, sərnişin 1984-cü il təvəllüdlü Qəhrəmanov Samir Bəhram oğlu aldığı bədən xəsarətlərindən hadisə yerində vəfat ediblər.
Avtomobildə müxtəlif bədən xəsarətləri alan 3 nəfər (2 nəfər qadın, 1 nəfər kişi), 4 nəfər azyaşlı və hər 2 meyit xilasedicilər tərəfindən avtomobildən çıxarılaraq aidiyyəti üzrə təhvil verilib.