Azərbaycan, Bakı, 2 mart / Trend, müxbir E.Tariverdiyeva /
ABŞ Dağlıq Qarabağ münaqişəsinin dinc yolla nizamlanmasına yardımı davam etdirir. Trend-in məlumatına görə, bunu ABŞ dövlət katibinin Avropa və Avrasiya məsələləri üzrə köməkçisi Filipp Qordon Vaşinqton Strateji Araşdırmalar İnstitutunun "Birləşmiş Ştatlar və Avropa: qlobal problemlərin həlli" adlı konfransda çıxış edərkən deyib.
"Biz Dağlıq Qarabağ münaqişəsinin dinc yolla nizamlanmasına kömək etmək üçün Minsk qrupu ilə yüksək səviyyədə qarşılıqlı əlaqələri dəstəkləyirik", - Departamentin saytı Qordonun çıxışına istinadən xəbər verir.