Azərbaycan, Bakı, 26 iyul /Trend, müxbir İlhamə İsabalayeva/
Ermənistan silahlı qüvvələri bölmələrinin intensiv atəşi nəticəsində yaralanmış Tovuz rayonu, Əlibəyli kənd sakini Fərid Məmmədov Bakıdakı Klinik Tibbi Mərkəzə çatdırılıb. O, burada əməliyyat olunacaq. Bu barədə şənbə günü Trend-ə Klinik Tibbi Mərkəzdən məlumat veriblər.
Mərkəzdən deyiblər ki, 1997-ci il təvəllüdlü F.Məmmədovun vəziyyəti hazırda kafi qiymətləndirilir. O, üz-çənə nahiyəsindən cərrahiyyə əməliyyatı olunacaq.
Qeyd edək ki, iyulun 25-dən Tovuz rayonunun Əlibəyli kəndi Ermənistan ordusu tərəfindən intensiv atəşə tutulub. Nəticədə kənd sakinləri 1997-ci il təvəllüdlü Fərid Nəbi oğlu Məmmədov və 1962-ci il təvəllüdlü Anya Qara qızı Ələkbərova yaralanıblar. Onlar xəstəxanaya yerləşdiriliblər.