Azərbaycan, Bakı, 24 oktyabr /Trend, müxbir Elmira Tariverdiyeva/
Almaniya Cənubi Qafqaz regionunda sülhün bərqərar olmasına kömək etməyə hazırdır. Bunu Almaniyanın xarici işlər naziri Frank-Valter Ştaynmayer ermənistanlı həmkarı Edvard Nalbandyanla görüşdən sonra Yerevanda keçirilən birgə brifinqdə deyib. Trend xəbər verir ki, bu barədə "Deutsche Welle" inforfmasiya agentliyi xəbər yayıb.
Almaniyanın xarici siyasət idarəsinin rəhbəri bildirib ki, Berlin Azərbaycan və Ermənistan prezidentlərinin yaxında Parisdə keçiriləcək görüşə hazır olmalarını alqışlayır, bununla yanaşı, "ilk addımları [sülhə nail olmaq üzrə] iki Cənubi Qafqaz ölkəsinin prezidentlərinin atmalı olduqlarını qeyd edir".