Azərbaycan, Bakı, 9 avqust /Trend, müxbir Cani Babayeva/
Cəmilə Cavadova-Spitsberq Azərbaycanın musiqi elmləri doktoru dərəcəsini almış ilk qadın orqan ifaçısıdır. O hazırda yaşadığı Dallasda (ABŞ) dövlət universitetində müəllimə işləyir. Cəmilə Cavadova-Spitsberq Bakıya səfəri və yerli publika görüşü haqqında təəssüratlarını Trend-lə bölüşüb.
- Cəmilə xanım, Bakıya səfərləriniz buradakı konsertlərinizlə tez-tezmi üst-üstə düşür?
- Azərbaycandan 1995-ci ildən getmişəm. Buna səbəb mənim təhsil və bədii yaradacılıq planlarım olub. İndiyədək burada 2 konsert proqramı ilə çıxış etmişəm. Birincisi 2005-ci ildə, sonuncusu isə bu ilin iyun ayında baş tutub.
- Konsert barədə məlumat verərdiniz...
- Bu, mənim üçün publikam ilə əsl vəhdət idi. Zaldakı dinamika, insanların reaksiyası çox gözəl idi. Özümü sanki həqiqətən də Bakıya qayıtmış kimi hiss etdim.
- Azərbaycan dinləyicisi digərlərindən nə ilə fərqlənir?
- Emosional baxımdan amerikalı və azərbaycanlı dinləyicilər arasında bağlantı var. Avropalı dinləyici daha təmkinlidir. Amerikalılar azərbaycanlılar kimi parlaq reaksiyaya malikdirlər.
- Tələbələrinizi və amerikalı dinləyiciləri Azərbaycan bəstəkarlarının yaradıcılığı ilə tanış etdiyinizi bilirəm...
- Hamı bilir ki, Azərbaycanı təmsil edirəm. Tələbələrim böyük məmnuniyyətlə Azərbaycan musiqisi ilə tanış olurlar. Azərbaycanın tanınmış bəstəkarlarına həsr edilmiş konsertlərim olub.
- Azərbaycana səfəriniz zamanı bizim musiqiçilərimizin konsertində olursunuzmu?
- Burada demək olar 3 ay vaxt keçirdim və indiyədək belə şey baş verməmişdi. İmkan olduqca musiqiçilərimizlə əlaqə saxlayır və onların konsertlərinə gedirəm.
