Azərbaycan, Bakı, 11 aprel /Trend, müxbir E.Mehdiyev/
Ermənistan Əkrəm Naibovun bədnam "Daş yuxular" romanını erməni dilinə tərcümə etməklə Azərbaycana qarşı ideoloji təxribatı artıracaq. Bunu cümə axşamı Trend-ə hakim Yeni Azərbaycan Partiyasının icra katibinin müavini, deputat Mübariz Qurbanlı deyib.
"Əkrəm Naibovun bədnam "Daş yuxular" romanı artıq erməni dilində çap edilib. Əlbəttə, düşmən yatmayıb, hər vasitədən istifadə edərək bizə qarşı ideoloji təxribatlarını və qara piar kampaniyasını aparmaqdadır", Qurbanlı bildirib.
YAP rəsmisinin sözlərinə görə, sözsüz ki, "Daş yuxular" romanı həmin piar kampaniyasında, anti-Azərbaycan kampaniyasında vasitədir və erməni də təbii ki, onu əvvəl öz dilinə tərcümə edib və sonra da başqa dillərə tərcümə edərək dünyaya deyəcək ki, buyurun, baxın, bu azərbaycanlının, Azərbaycanda yazıçı hesab olunan, hərçənd ki, Azərbaycan cəmiyyəti onu yazıçı hesab etmir, şəxsin yazdığı əsərdir. Özləri etiraf edirlər ki, ermənilərə qarşı "qırğınlar" törədiblər.
"Bu da özünü azərbaycanlı, ziyalı adlandıran şəxsin Azərbaycan xalqına vurduğu zərər", deputat vurğulayıb.
Qeyd edək ki, Ermənistanda yazıçı Əkrəm Əylislinin qalmaqallı "Daş yuxular" əsəri erməni dilində çap edilib.
Xatırladaq ki, "Daş yuxular" əsərində tarix və faktlar təhrif olunub.
Hakim partiya: “Daş yuxular” romanının erməni dilində çapı Azərbaycana qarşı ideoloji təxribatı artıracaq
Ermənistan Əkrəm Naibovun bədnam "Daş yuxular" romanını erməni dilinə tərcümə etməklə Azərbaycana qarşı ideoloji təxribatı artıracaq. Bunu cümə axşamı Trend-ə hakim Yeni Azərbaycan Partiyasının icra katibinin müavini, deputat Mübariz Qurbanlı deyib.
