Azərbaycan, Bakı, 3 sentyabr /Trend, müxbir İlkin İzzət/
Azərbaycanın Çexiyadakı yeni səfiri etimadnaməsini Çexiya Respublikasının Prezidentinə təqdim edib.
Azərbaycan Xarici İşlər Nazirlyinin mətbuat xidmətindən Trend-ə verilən məlumata görə, sentyabrın 2-də Azərbaycan Respublikasının Çexiyadakı səfiri Fərid Şəfiyevin etimadnaməsini Çexiya Respublikasının Prezidenti Miloş Zemana təqdim etməsi mərasimi baş tutub.
Mərasim əsnasında səfir Fərid Şəfiyevin Prezident Miloş Zeman ilə görüşü olub.
Görüşdə Prezident Miloş Zeman Çexiya və Azərbaycan arasında mövcud əlaqələrinin daha da inkişaf etdirilməsinin vacibliyini qeyd edib.