Azərbaycan, Bakı, 22 sentyabr/Trend/
Sentyabrın 29-da Həştərxanda IV Xəzər sammiti keçiriləcək. Bu barədə Trend Rusiya Prezidentinin rəsmi saytına istinadən xəbər verir.
Sammit çərçivəsində keçirilən görüş zamanı Xəzəryanı ölkələrin qarşılıqlı fəaliyyətinin əsas məsələlərinin, 2010-cu ildə Bakıda keçirilmiş sammitdə qəbul olunmuş qərarların reallaşdırılmasının gedişi, həmçinin region ölkələri arasında perspektivdə əməkdaşlığın prioritet istiqamətlərinin müzakirə olunması gözlənilir. Çoxtərəfli sənədlərin imzalanması planlaşdırılır.
Sammit çərçivəsində Rusiya Prezidenti Vladimir Putinin Xəzəryanı ölkələr üzrə həmkarları ilə ikitərəfli görüşlərinin keçirilməsi nəzərdə tutulub.