...

Kəmaləddin Heydərov: Azərbaycan-İran əlaqələri son zamanlar yeni impuls qazanıb

Siyasət Materials 30 Sentyabr 2014 18:59 (UTC +04:00)
Azərbaycanın fövqəladə hallar naziri Kəmaləddin Heydərov İran İslam Respublikasının Gömrük İdarəsinin rəhbəri, iqtisadiyyat və maliyyə işləri üzrə nazir müavini Məsud Kərbasiyanın başçılıq etdiyi nümayəndə heyəti ilə görüşüb.
Kəmaləddin Heydərov: Azərbaycan-İran əlaqələri son zamanlar yeni impuls qazanıb

Azərbaycan, Bakı, 30 sentyabr /Trend/

Azərbaycanın fövqəladə hallar naziri Kəmaləddin Heydərov İran İslam Respublikasının Gömrük İdarəsinin rəhbəri, iqtisadiyyat və maliyyə işləri üzrə nazir müavini Məsud Kərbasiyanın başçılıq etdiyi nümayəndə heyəti ilə görüşüb.

Trend Fövqəladə Hallar Nazirliyinin rəsmi saytına istinadən məlumat verir ki, görüş zamanı qonağa Azərbaycan Respublikasında fövqəladə halların qarşısının alınması və nəticələrinin aradan qaldırılması sahəsində görülən işlər, nazirliyin strukturuna daxil olan qurumların fəaliyyəti barədə ətraflı məlumat verilib. K.Heydərov bildirib ki, son zamanlar Azərbaycan Respublikası ilə İran İslam Respublikası arasında əlaqələr iki ölkənin prezidentlərinin görüşlərindən sonra yeni impuls qazanıb: "Bizim əsas vəzifəmiz dövlət başçılarının qarşıya qoyduqları məsələləri uğurla həyata keçirməkdir".

Qonaq səmimi qəbula görə təşəkkürünü bildirib, iki dost və qonşu ölkənin müxtəlif dövlət qurumları arasında əməkdaşlığın daha da gücləndirilməsinin əhəmiyyətini qeyd edib.

Tərəflər qarşılıqlı maraq doğuran digər məsələlərə dair ətraflı fikir mübadiləsi aparıblar.

Məqalədə:
Xəbər lenti

Xəbər lenti