Azərbaycan, Bakı, 09 fevral / Trend , müxbir A.Hüseynbala/
Azərbaycanın müxalifət partiyası yüzə yaxın dairədən deputatlığa namizəd irəli sürəcək.
"Partiyamızın 50-yə yaxın üzvünün parlament seçkilərində hansı dairədən namizədliyini irəli sürəcəyi artıq müəyyənləşdirilib", - çərşənbə axşamı Trend -a Ümid Partiyasının sədr müavini Ənvər Ağayev bildirib.
Trend -un arayışı: Azərbaycanda parlament seçkilərinin 2010-cu ilin payızında keçiriləcəyi gözlənilir. Bundan əvvəlki seçkilər 2005-ci ilin noyabr ayında keçirilib. Azərbaycanda parlament seçkiləri majoritar sistem üzrə 125 seçki dairəsində keçirilir.
Ağayevin sözlərinə görə, müxalifətin seçkilərdə blok şəklində iştirakı ilə bağlı hər hansı razılaşma əldə olunarsa, namizədlərin irəli sürülməsi məsələsində partiya mövqeyini dəyişə bilər.
"Biz müxalifətin vahid namizədlər siyahısı ilə seçkilərdə iştirakının tərəfdarıyıq. İstəyimiz reallaşmasa parlament seçkilərində təkbaşına iştirak etmək məcburiyyətində qalacağıq", - partiya rəsmisi əlavə edib.
Onun fikrincə, seçkilərdə partiya yalnız özü iştirak edəcəksə, bu zaman ən azı yüz dairədə deputatlığa namizəd irəli sürəcək.
Müхаlifəti təmsil еdən Ümid Pаriyаsı 1993-cü ildə yаrаdılıb. 2002-ci ildə Vətəndаş Birliyi Pаrtiyаsı (VBP) Ümid Pаriyаsınа birləşib. VBP-nin sədri оlmuş İqbаl Аğаzаdə Ümid Pаrtiyаsının sədri sеçilib. Аğаzаdə Milli Məclisin dеputаtıdır.
