Azərbaycan, Bakı, 17 fevral / Trend , müxbir A.Hüseynbala/
Azərbaycanın müxalifət partiyasının 38 seçki dairəsi üzrə namizədləri məlumdur.
"Partiyamızın rəhbərliyində təmsil olunan üzvlərimiz də daxil olmaqla 38 nəfərin konkret hansı dairədən namizədliyini irəli sürəcəyi dəqiqləşdirilib", - çərşənbə günü Trend -a Azərbaycan Milli İstiqlal Partiyasının (AMİP) mətbuat və informasiya katibi Əli Orucov bildirib.
Trend -un arayışı: Azərbaycanda parlament seçkilərinin 2010-cu ilin payızında keçiriləcəyi gözlənilir. Bundan əvvəlki seçkilər 2005-ci ilin noyabr ayında keçirilib. Azərbaycanda parlament seçkiləri majoritar sistem üzrə 125 seçki dairəsində keçirilir.
Orucovun sözlərinə görə, partiyanın deputatlığa digər namizədlərinin müəyyənləşdirilməsi şəhər və rayon təşkilatlarına həvalə olunub. "Partiyanın mərkəzi aparatı bu prosesə müdaxilə etməyəcək. Çünki hər bir yerli təşkilatın rəhbərliyi və üzvləri kimin həmin ərazidə daha şanslı olduğunu bilir. Ona görə biz onlara deputatlığa namizəd seçimi məsələsində sərbəstlik vermişik", - partiya rəsmisi əlavə edib.
Onun fikrincə, AMİP-in ayrı-ayrı şəhər və rayonlarda dəstəkləyəcəyi deputatlığa namizədlər partiyanın üzvü olmaya da bilər. "Əlbəttə, əgər hər hansı bitərəf şəxsin, yaxud digər partiyanın namizədinin seçilmək şansı yüksək olacaqsa, bu halda onlara dəstək verə bilərik", - Orucov vurğulayıb.
Mətbuat və təbliğat katibi partiyanın lideri Etibar Məmmədovun deputatlığa namizədliyini irəli sürüb-sürməyəcəyinin hələ ki, məlum olmadığını deyib. "Bu qərar Etibar Məmmədovun özündən asılıdır. Amma partiyanın rəhbərliyində təmsil olunan şəxslər onun da deputatlığa namizəd olmasını arzulayır", - o xatırladıb.
АMİP 1992-ci ildə yаrаdılаn вə Аzərbаycаndа ilk dövlət qеydiyyаtınа аlınаn pаrtiyаdır. Etibar Məmmədov 2004-cü ilin sonunda partiyanın sədrliyindən istefa verdikdən sonra partiya daxilində parçalanma baş verib. Ondan sonra AMİP-in sədri olan Əli Əliyevə qarşı partiya daxilində narazılıq yarandığı zaman partiya üzvlərinin bir qismi AMİP-dən gediblər.
Еtibаr Məmmədоv hаzırdа Bеynəlxаlq Dеmоkrаt İttifаqının (BDİ) sədr müаvinidir.
Məqalə müəllifi ilə əlaqə ünvanı: [email protected]
