...

İnam Kərimov: Azərbaycanda elektron xidmətlərin inkişafı vətəndaşlar və dövlət orqanları arasında münasibətləri keyfiyyətcə dəyişdirib

Cəmiyyət Materials 12 İyul 2013 14:32 (UTC +04:00)
Azərbaycanda elektron xidmətlərin inkişafı vətəndaşlar və dövlət orqanları arasında münasibətləri keyfiyyətcə dəyişdirib.
İnam Kərimov: Azərbaycanda elektron xidmətlərin inkişafı vətəndaşlar və dövlət orqanları arasında münasibətləri keyfiyyətcə dəyişdirib

Azərbaycan, Bakı, 12 iyul /Trend, müxbir E.Əliyev/

Azərbaycanda elektron xidmətlərin inkişafı vətəndaşlar və dövlət orqanları arasında münasibətləri keyfiyyətcə dəyişdirib. Trend-in məlumatına görə, bu barədə jurnalistlərə açıqlamasında Vətəndaşlara Xidmət və Sosial İnnovasiyalar üzrə Dövlət Agentliyinin sədri İnam Kərimov bildirib.

İ.Kərimov "2013-2015-ci illərdə dövlət orqanlarında elektron xidmətlərin genişləndirilməsi və "elektron hökumət"in inkişafına dair Dövlət Proqramı" layihəsi üzrə ictimai dinləmələrdə bildirib: "Əgər əvvəl vətəndaşlar bu və ya digər xidmətlərin və ya sənədlərin onlara verilməsi ilə bağlı müxtəlif strukturlara müraciət edirdilərsə, indi dövlət özü müasir və sadə imkanlar təklif edir ki, bununla da vətəndaşlar özlərinə lazım olan xidməti əldə edə bilərlər".

Kərimovun sözlərinə görə, son illər bu sahənin inkişafına yönəldilən mütərəqqi tədbirlər keçirilir: "Belə əhəmiyyətli tədbirlərdən biri Azərbaycan Prezidenti İlham Əliyevin "ASAN xidmət"in yaradılması haqqında imzaladığı sərəncam oldu. "ASAN xidmət"in fəaliyyəti şəffaflığı əhəmiyyətli dərəcədə artırmağa, xüsusilə də korrupsiya daxil olmaqla digər neqativ halları azaltmağa imkan verir. Məlum olduğu kimi, korrupsiyaya qarşı ən yaxşı mübarizə onun yarandığı mühiti aradan qaldırmaqdır".

Məqalədə:
Xəbər lenti

Xəbər lenti