Azərbaycan, Bakı, 2 aprel /Trend, müxbir İ.İsabalayeva/
Sabah Azərbaycanda hava şəraiti qeyri-sabit keçəcək, dağlıq və dağətəyi ərazilərdə sulu qar, qar yağacaq, temperatur 10-12 dərəcə enəcək. Bu barədə Trend-ə Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədova bildirib.
Onun sözlərinə görə, Bakıda və Abşeron yarımadasında aprelin 3-də buludlu hava şəraiti üstünlük təşkil ediləcək. Axşam bəzi yerlərdə havanın az yağıntılı olacağı ehtimalı var. Güclü şimal-qərb küləyi əsəcək.
Bakıda və Abşeron yarımadasında havanın temperaturu gecə 2-5, gündüz 5-9 dərəcə isti olacaq.
Azərbaycanın bölgələrində aprelin 3-də hava yağıntılı olacaq, dağlıq və dağətəyi ərazilərdə sulu qar və qar yağacaq. Qərb küləyi arabir güclənəcək.
Aran rayonlarında aprelin 3-də havanın temperaturu gecə 2-7, gündüz 9-14 dərəcə isti, dağlıq ərazilərdə isə gecə və gündüz 0-5 dərəcə isti olacaq.
Bu cür hava şəraiti aprelin 4-ü günortaya kimi davam edəcək.