Azərbaycan, Bakı, 18 iyun /Trend, müxbir İlhamə İsabalayeva/
Təhsil naziri Mikayıl Cabbarovun vətəndaşların qəbulu vaxtında dəyişiklik edilib. Trend Təhsil Nazirliyinin saytina istinadən bildirir ki, 23 iyun 2014-cü il tarixində mərkəzi icra hakimiyyəti orqanları rəhbərlərinin 2014-cü ilin iyun ayında şəhər və rayonlarda vətəndaşların qəbulu cədvəlinə uyğun olaraq, Qəbələ, Oğuz, Şəki, Qax, Zaqatala və Balakən rayonlarında yaşayan vətəndaşların qəbulu vaxtında dəyişiklik edilib. Belə ki, təhsil naziri Mikayıl Cabbarov 28 iyun 2014-cü il tarixində saat 12:30-da Qəbələ şəhərindəki Mədəniyyət Mərkəzində Qəbələ, Oğuz, Şəki, Qax, Zaqatala və Balakən rayonlarında yaşayan vətəndaşları qəbul edəcək.