...

AMEA-da magistratura təhsili təşkil olunacaq

Cəmiyyət Materials 15 Oktyabr 2014 17:04 (UTC +04:00)
Azərbaycan Milli Elmlər Akademiyasının Rəyasət Heyətində AMEA-da magistr hazırlığının təşkili ilə bağlı qərar qəbul edilib.
AMEA-da magistratura təhsili təşkil olunacaq

Azərbaycan, Bakı, 15 oktyabr /Trend, müxbir İlhamə İsabalayeva/

Azərbaycan Milli Elmlər Akademiyasının Rəyasət Heyətində AMEA-da magistr hazırlığının təşkili ilə bağlı qərar qəbul edilib.

AMEA-nın mətbuat xidmətindən Trend-ə verilən məlumata görə, ölkə Prezidentinin 4 yanvar 2003-cü il tarixli fərmanı ilə təsdiq edilmiş "Azərbaycan Milli Elmlər Akademiyasının Nizamnaməsi"ndə magistratura yolu ilə yüksəkixtisaslı kadrların hazırlanması barədə bir sıra müddəalar təsbit olunub. Həmçinin, Azərbaycan Prezidenti tərəfindən "Azərbaycan Respublikasında 2009-2015-ci illərdə elmin inkişafı üzrə Milli Strategiya"da elm və təhsilin inteqrasiyası əsasında yüksəkixtisaslı kadrların hazırlanması ilə bağlı Akademiya qarşısında müəyyən vəzifələr qoyulub.

Qeyd olunanlar AMEA-nın yüksəkixtisaslı kadrların hazırlanması sahəsində fəaliyyətinin, magistratura təhsil səviyyəsi də nəzərə alınmaqla, yeni əsaslar üzərində təşkili zərurətini meydana çıxarıb.

Bütün bunları nəzərə alaraq, AMEA-nın prezidenti Akademiyada magistratura təhsilinin yaradılması ilə bağlı Azərbaycan Prezidenti İlham Əliyevə müraciət edib. Müraciət ölkə rəhbərliyi tərəfindən müsbət qarşılanıb, Akademiyaya magistr hazırlığının təşkili üçün lazımi tədbirlərin həyata keçirilməsi tapşırılıb. Həmçinin magistratura təhsil səviyyəsinin elmi araşdırmalar üçün böyük imkanlar yaratdığını, məzunlara gənc yaşlarından elmi tədqiqat vərdişləri aşıladığını nəzərə alaraq, Azərbaycan Milli Elmlər Akademiyasının Rəyasət Heyətində AMEA-da magistr hazırlığının təşkili ilə bağlı qərar qəbul edilib.

Məqalədə:
Xəbər lenti

Xəbər lenti