Azərbaycan, Bakı, 20 oktyabr /Trend/
Azərbaycanda ödənişli avtomobil yolları ilə nəqliyyat vasitələrinin gedişi üçün ödənişin məbləğini Tarif Şurası həyata keçirəcək.
Trend-in məlumatına görə, Azərbaycan Prezidenti İlham Əliyev bununla bağlı "Avtomobil yolları haqqında" Azərbaycan Respublikası Qanununun tətbiq edilməsi barədə" Azərbaycan Respublikası Prezidentinin 2000-ci il 10 mart tarixli 299 nömrəli Fərmanına dəyişiklik edib.
Dəyişikliyə görə, qanunun 19-1-ci maddəsinin üçüncü hissəsində nəzərdə tutulmuş dövlət mülkiyyətində olan hər bir ödənişli avtomobil yolları ilə nəqliyyat vasitələrinin gedişi üçün ödənişin məbləği avtomobil yolunun dərəcəsi nəzərə alınmaqla Tarif (qiymət) Şurası tərəfindən müəyyən edilir.