Azərbaycan, Bakı, 21 yanvar / Trend , müxbir M. Əliyev/
Azərbaycan Nazirlər Kabineti orta ixtisas təhsili üzrə ixtisasların təsnifatını təsdiq edib. Bu barədə cümə axşamı Trend -a Nazirlər Kabinetindən məlumat verilib.
Qərar "Təhsil haqqında" Azərbaycan Respublikası qanununun orta ixtisas təhsili proqramlarının müvafiq ixtisaslar üzrə ali təhsil proqramlarına uyğunluğunun təmin edilməsi məqsədi ilə qəbul olunub.
Təsnifata təhsil, humanitar və sosial, mədəniyyət və incəsənət, iqtisadiyyat və idarəetmə, texniki və texnoloji, kənd təsərrüfatı, səhiyyə, rifah və xidmət ixtisasları qrupları daxil edilib.
Məqalə müəllifi ilə əlaqə ünvanı: [email protected]
