Azərbaycan, Bakı, 20 noyabr / Trend , müxbir A.Hüseynbala/
Azərbaycanın QHT-lərə Dövlət Dəstəyi Şurasının sədri Avrasiya Əməkdaşlıq Fondunun prezidenti ilə görüşüb.
"Azərbaycan Prezidenti yanında Qeyri-Hökumət Təşkilatlarına Dövlət Dəstəyi Şurasının sədri, millət vəkili Azay Quliyev Avrasiya Əməkdaşlıq Fondunun prezidenti George Zarubinin başçılıq etdiyi nümayəndə heyəti ilə görüşdə Şuranın keçirdiyi maliyyə müsabiqələri barədə məlumat verib", - cümə günü Trend -a QHT-lərə Dövlət Dəstəyi Şurasının mətbuat xidmətindən bildirilib.
Quliyev Şuranın beynəlxalq təşkilatlarla əlaqələri və müştərək layihələri haqqında da danışıb. "Azərbaycanda QHT və özəl sektor, QHT və vətəndaşlar arasında əlaqələrin dərinləşdirilməsi məqsədi ilə xeyriyyəçilik fəaliyyəti və sosial tərəfdaşlıq məsələlərini tənzimləyən qanunverici bazanın hazırlanmasında birgə fəaliyyət, gənclərlə əlaqədar birgə proqramların reallaşdırılması, Şuranın strateji planlarının hazırlanmasına köməklik və digər əməkdaşlıq məsələləri üçün Fond və Şura təmsilçilərindən ibarət işçi qrupunun yaradılması qərara alınıb", - məlumatda vurğulanır.
Məqalə müəllifi ilə əlaqə ünvanı: [email protected]
