Azərbaycan, Bakı, 05 yanvar / Trend , müxbir F.Hüseynli/
Akademik avarçəkmə üzrə Azərbaycan milli komandasına yeni məşqçi cəlb edilib.
Azərbaycan Milli Avarçəkmə Federasiyasının mətbuat xidmətindən çərşənbə axşamı Trend -a bildiriblər ki, bolqarıstanlı mütəxəssis Yuliana Stoyeva bundan sonra yığmamızın baş məşqçisi Rudiger Hauffenin köməkçisi olacaq. Stoyeva zəngin təcrübəsini avarçəkənlərimizin qarşıdakı yarışlara hazırlığına sərf edəcək.
Yuliana Stoyeva 1963-cü il iyulun 7-də Bolqarıstanın paytaxtı Sofiyada anadan olub. O, ölkəmizə gələnədək Bolqarıstan yığmasının və yerli MOİK klubunun məşqçisi kimi çalışıb. Stoyeva indiyədək dünya və Avropa çempionatlarının bir sıra qalib və mükafatçılarını yetişdirib.
