Azərbaycan, Bakı, 13 sentyabr /Trend/
Tofiq Bəhramov adına Respublika stadionunun ot örtüyü tamamilə yenilənir.
Trend AFFA-ya istinadən məlumat verir ki, "Qarabağ" futbol klubunun UEFA Avropa Liqası çərçivəsində keçirəcəyi növbəti oyun üçün bu gündən etibarən Tofiq Bəhramov adına Respublika stadionunun ot örtüyünün tamamilə yenilənməsi prosesinə başlanılıb.
Arenanın "Qarabağ"ın Avropa Liqasının qrup mərhələsində "Sent Etyen"lə ilk görüşünə qədər tam hazır olacağı deyilir.
Qeyd edək ki, "Qarabağ" - "Sent-Etyen" oyunu sentyabrın 18-də, saat 21:00-da başlayacaq.
