Azərbaycan, Bakı, 19 sentyabr /Trend/
Bu gün Azərbaycan Premyer Liqasında VI turun oyunlarına start verilib.
Trend-in məlumatına görə, turun açılış matçında paytaxtın "İnter" və "Bakı" komandaları qarşılaşıblar.
Oyuna "İnter" futbolçuları fəal başlayıblar. Əvvəlcə Junior Nildo dubl edib - 2:0. Birinci hissənin tamamında "bankirlər" daha iki dəfə fərqləniblər - Arif Daşdəmirov, 30 (3:0), Baçana Sxadadze, 44 (4:0).
48-ci dəqiqədə B.Sxadadze də dubla imza atıb - 5:0. 73 və 86-cı dəqiqələrdə isə qol vurmaq növbəsi Coşqun Diniyev və Nizami Hacıyevə çatıb - 7:0.