Bakı. Yelena Kosolapova - Trend:
Azərbaycan son illərdə Avrasiya regionunun vacib tranzit mərkəzinə çevrilib.
Trend-in məlumatına görə, bunu Bakıda keçirilən “Cənubi Qafqaz beynəlxalq arenada: Region və ətrafında əməkdaşlıq və rəqabət” mövzusunda beynəlxalq konfrans zamanı Çinin Beynəlxalq Münasibətlər İnstitutunun vitse-prezidenti Süy Tszyan deyib.
O qeyd edib ki, hazırda Azərbaycanın iştirakı ilə bir sıra vacib nəqliyyat layihələri həyata keçirilir:
“Çindən Avropaya Azərbaycandan tranzitlə konteyner qatarı yola salınıb. Bundan başqa, “Şimal-Cənub” beynəlxalq dəmir yolu dəhlizi layihəsi icra olunur. Bu layihə Şimali Avropa və Rusiyadan Fars körfəzi ölkələrinə yük daşınmasına imkan verəcək”.
S.Tszyan vurğulayıb ki, Azərbaycan regionun vacib ölkəsidir və Çinin “Bir kəmər – bir yol” təşəbbüsündə mühüm yer tutur.