Azərbaycan, Bakı, 19 dekabr /Trend/
Belarus parlamentinin Nümayəndələr Palatası Ermənistanın Avrasiya İqtisadi İttifaqına (Aİİ) qoşulmasına dair müqaviləni paraflayıb. Trend xəbər verir ki, bu barədə BELTA məlumat yayıb.
Müqavilə Ermənistan, Belarus, Qazaxıstan və Rusiya prezidentləri tərəfindən 2014-cü il oktyabrın 10-da Minskdə imzalanıb. Bununla yanaşı "üçlük" ölkələri Ermənistan üçün keçid dövrü barədə razılığa gəliblər. Həmin dövrdə bir sıra Ermənistan mallarına dərəcələri Aİİ-nin vahid gömrük tariflərindən fərqlənən gömrük rüsumları tətbiq ediləcək.