Azərbaycan, Bakı, 3 fevral /Trend, müxbir Məftun Salmanov/
Kubada son beş ayda ilk dəfə olaraq ölkənin sabiq lideri Fidel Kastronun fotoları yayılıb. Trend-in çərşənbə axşamı Rusiya KİV-ə istinadən verdiyi məlumata görə, 88 yaşlı F.Kastro şəkillərdə tələbə ilə söhbət edərkən görüntülənib.
Həmin tələbənin Kuba Tələbə İttifaqının rəhbəri olduğu bildirilir. 10 ədəd fotonun yanvarın 23-də çəkildiyi qeyd edilir.
Kuba inqilabının liderinin uzun müddət ictimaiyyət arasında görünməməsi onun ölməsi barədə şayiələrin yaranmasına səbəb olmuşdu.