Nyu-Yorkda “Empire State Building” üzərində maraqlı görüntülər (FOTO)

Azərbaycan, Bakı, 2 avqust /Trend/

Nəsli kəsilməkdə olan heyvanların görüntüləri Nyu-Yorkun 102 mərtəbəli "Empire State Building" göydələni üzərində əks etdirilib. Bu barədə Trend xarici KIV-lərə istinadən xəbər verir.

Aksiya, təbiət qoruyucuları tərəfindən insanların diqqətini nəsli kəsilməkdə olan heyvanların müdafiəsinə cəlb etmək üçün keçirilib.

Görüntülər bəstəkar Cey Ralfın musiqisi sədaları altında nümayiş olunub. Qeyd edək ki, aksiya 40 işıqlandırıcı vasitəsi ilə gecə saatlarına qədər davam edib