Azərbaycan, Bakı, 3 sentyabr /Trend/
NASA-nın "SMAP" (Soil Moisture Active Passive) elmi peykinin Yer kürəsini skan edən 2 radarından biri sönüb. Bu barədə Trend TASS agentliyinə istinadən məlumat verir.
"Radarın sönməsi ilə bağlı yaranan çətinliklərə baxmayaraq, peyk öz işini davam etdirəcək və Yer kürəsi barədə məlumat toplayacaq", - NASA-nın məlumatında deyilir.
Qeyd edək ki, Yer kürəsi üzərində torpağın nəmişliyini müəyyənləşdirməyə malik olan peyk öz işinə may ayının 20-si başlayıb. Peykin buraxılmasına ümumilikdə 915 milyon ABŞ dolları xərclənib.