Bakı. Trend:
Türkiyənin Şırnak vilayətində təhlükəsizlik qüvvələrinin iki əməkdaşı şəhid olub. Onlardan biri hərbçi, digəri isə polis əməkdaşıdır.
Trend-in Anadolu agentliyinə istinadən verdiyi məlumata görə, Şırnakın İdil rayonu ərazisində Suriyadan Türkiyə tərəfinə keçmək istəyən on nəfərlik silahlı PKK-çı ilə hərbçilər arasında atışma olub.
Nəticədə bir hərbçi həlak olub ikisi yaralanıb. Şırnakın mərkəzində isə PKK silahlılarının zirehli polis maşınını atəşə tutmaları nəticəsində bir polis şəhid olub, digəri isə yaralanıb.