Bakı. Trend:
Brüsseldə terror aktı törətməkdə əsas şübhəlilərindən biri Nəcim Laaşraui bu gün Anderlext kommunasında saxlanılıb. Bu barədə Trend RİA Novosti-yə istinadən məlumat verir.
Prokurorluq bu məlumatı hələ təsdiq etməyib.
Qeyd edək ki, ötən gün Brüssel aeroportu və metrosunda baş vermiş silsilə terror aktları nəticəsində 31 nəfər ölüb, 250 nəfər isə müxtəlif dərəcəli xəsarət alıb.
Partlayışlara görə məsuliyyəti İŞİD terror təşkilatı üzərinə götürüb.