Bakı. Elçin Hüseynov - Trend:
Serbiyanın Zrenyanın (Belqraddan 50 km şimala) şəhərindəki kafelərin birində atəş nəticəsində 5 nəfər həlak olub.
Bu barədə Trend Associated Press-ə istinadən xəbər verir.
Hadisə yerli vaxtla 01.40-da baş verib. Naməlum şəxs kafeyə daxil olub və müştərilərə atəş açıb. Nəticədə 5 nəfər həlak olub, 20 nəfər isə yaralanıb.
Hücum edən şəxs saxlanılıb. Hüquq-mühafizə orqanları araşdırma aparır.