Bakı. Elçin Hüseynov - Trend:
Varşavada Avropa İttifaqı (Aİ) və NATO rəhbərlərinin Birgə Deklarasiyası imzalanıb.
Trend RİA Novosti-yə istinadən xəbər verir ki, sənədi NATO-nun baş katibi Yens Stoltenberq, Avropa Komissiyasının sədri Jan-Klod Yunker və Aİ-nin başçısı Donald Tusk imzalayıblar.
Y.Stoltenberq bəyan edib ki, Aİ və NATO təhlükəsizlik ilə bağlı yeni çağırışlarla, o cümlədən hibrid təhdidlərlə qarşılaşır və ayrı-ayrılıqda bunlarla mübarizə üçün lazımi vasitələrə sahib deyillər: "Biz birlikdə işləməliyik".
Y.Stoltenberq həmçinin bildirib ki, Böyük Britaniyanın Aİ-ni tərk etməsi Avropa İttifaqi ilə NATO-nun əməkdaşlığını yalnız gücləndirə bilər.