Bakı. Elçin Hüseynov - Trend:
İyulun əvvəllərində formalaşmış yeni Suriya hökuməti ölkə Prezidenti Bəşər Əsəd qarşısında and içib.
Bu barədə Trend Suriyanın "SANA" agentliyinə istinadən xəbər verir.
İmad Həmis tərəfindən başçılıq edilən hökumət iyulun 3-ü formalaşdırılıb. Yeni hökumətdə əsas nazirlər öz yerlərində dəyişməz olaraq qalıblar. 26 nazir vəzifəsindən ancaq 14-ü yenilənib.
Müxalifət blokunu hökümətdə xalq barışdırma naziri vəzifəsində yenə Əli Haydar təmsil edir. Ondan başqa hökümətdə müxalif siyasətçi yoxdur.